कैलालीमा लागुऔषधको ओसाारपोसारमाका संलग्न रहेको आरोपमा एक प्रहरी हवल्दारलाई नियन्त्रणमा लिएर अनुसन्धान

धनगढी: जिल्ला कारागार कैलालीमा लागुऔषधको ओसाारपोसारमाका संलग्न रहेको आरोपमा एक प्रहरी हवल्दारलाई नियन्त्रणमा लिएर अनुसन्धान थालिएको छ। असोज ३१ गते धनगढी उपमहानगरपालिका–७ बाट प्रहरीले लागुऔषधसहित एक जनालाई नियन्त्रणमा लिएको थियो।

कैलारी गाउपालिका–६ वनकटुवा बस्ने ३३ वर्षीय यादवकुमार चौधरीले भारतबाट लागुऔषध ल्याउनेक्रममा प्रहरीले नियन्त्रणमा लिएको थियो। चौधरीलाई १३ ग्राम लागुऔषधसहित प्रहरीले नियन्त्रणमा लिई अनुसन्धान थालेको थियो। अनुसन्धानका क्रममा उनले कैलाली कारागारमा कार्यरत प्रहरी सहायक हवल्दार अपिल भाट पनि लागुऔषध ओसारपोसारमा संलग्न रहेको आरोप लगाए।

उक्त आरोपछि सहायक हवल्दार भाटलाई निलम्बन गरी लागुऔषध मुद्दामा म्याद थप गरी अनुसन्धान थालिएको जिल्ला प्रहरी कार्यालय कैलालीका प्रहरी नायब उपरीक्षक वेदप्रकाश जोशीले बताए। उनले यस सम्बन्धमा आवश्यक अनुसन्धान भइरहेको बताएका छन्। सहायक हवल्दारसँगै कारागारका चौकीदार बसन्त बुढाको नामपनि यो मुद्दामा मुछिएको छ।

Leave A Reply

Your email address will not be published.